一提烏克蘭，我只聯想到車路士前鋒舒夫真高，Olena則思鄉。10年前與港人結婚，嫁雞隨雞在港落地生根，雖已慣吃中國菜，但對家鄉菜尚有情意結，對中國人趕頭趕命的飲食文化並不習慣，Olena說：「烏克蘭食飯好熱鬧好Relax，通常邊食邊傾偈，有時仲會唱歌跳舞，一餐飯往往食三四小時，好似參加嘉年華咁，所以一家人關係好融洽。」提起家，她坦言最懷念母親與祖母炮製的家鄉菜，問哪道菜是她的最愛，貪心的她竟答：「Everythingismadebymomandgrandma！香港食到嘅烏克蘭菜好正宗，可能大部份廚師都係烏克蘭人喇，食物好好味，好似mymomandgrandma煮出嚟咁，好有Homefeel。」
烏克蘭人與俄羅斯人同樣愛喝Vodka取暖，滿以為他們也愛吃辛辣食物，誰知大錯特錯，Olena說：「我哋唔鍾意食辣，只鍾意食濃味食物。我哋好鍾意食醃菜，夏天會用大量鹽同香料醃番茄、洋葱、青瓜、菇菌，放入地庫等冬天拎番出嚟食，我記得Mom曾經將醃菜放兩年，味道真係Fantastic！可能香港嘅蔬果品種同烏克蘭唔同，無論自製或出街食都食唔到家鄉水準。」記者：區佩嫦 攝影：譚盈傑
烏克蘭正宗羅宋湯$27
烏克蘭與俄羅斯的羅宋湯略有不同，後者愛用雞肉及牛肉，前者則加入豬肉及大量紅菜頭，配洋葱、紅蘿蔔、番茄，顏色較本地常見的紅及酸，但辣味欠奉。
馳名基輔炸雞扒$129
基輔是烏克蘭首都，用雞肉包着雪至凝固的牛油再蘸麵包糠炸。切開，融化的牛油緩緩溢出，香氣四溢，配蘑菇汁可減低雞肉的油膩感。
俄國芝士提子糕$48
用酸奶發酵而成的自製CottageCheese，加提子亁蘸麵包糠炸成球狀，配呍呢拿及小紅莓汁，酸酸甜甜十分醒胃。
IvantheKozak（28511193）
地址：中環閣麟街46-48號地下下層
