黃貫中（Paul）將於10月18日在紅館開騷，昨日他在紅磡出席記者會。問他會否邀請女友朱茵和傳出不和的黃家強做嘉賓？阿Paul說：「女友唔夠rock，請佢嚟睇啦；家強之前做過，唔想請啲觀眾知道嘅嘉賓，唔好玩，都係請佢嚟睇啦！」
除褲影海報
阿Paul笑說拍攝個唱海報當天，攝影師打趣叫他脫掉褲子拍攝，他說：「佢大我喎，我梗係唔大得啦，咪除褲攞住支結他影相囉，不過都有打底，但個感覺都好似赤裸咁。佢哋話用嗰張相做海報，但我覺得唔係幾好。」
問阿Paul演唱會當日唱得興起會否除衫褲？他說：「唱歌成日都除衫㗎啦，又唔係赤裸，有乜所謂，不過除褲唔型囉，一係等我練到下邊都有六嚿肌肉先啦，我講小腿下邊咋！」
採訪、攝影：胡比