當大家看到這段報道時，滙豐控股嘅集團行政總裁紀勤，已經離開獅子銀行嘅倫敦總部，展開為期約一星期嘅環球roadshow，目的同各地嘅員工見面、洗腦，聽講第一站係巴西聖保羅，即係紀勤進駐過嘅地方，之後會轉飛北美洲、歐洲、中東等，9月8日殺嚟香港。
紀勤未做CEO前已經有「巡邏」癮。04年初他甫任英國滙豐CEO，即「踩勻」英國千幾間分行，之後大刀闊斧削減分行員工，重整分行網絡。今次環球之旅，之後會否又有大動作？
做得滙控高層就預咗要馬不停蹄。滙豐「貓姐」Margaret噚日透露，呢位CEO喺10月中旬又會飛，去匈牙利布達佩斯出席「獎賞大會」（簡稱STARS）！獎賞銷售表現標青嘅員工。
聽貓姐講，原來紀勤非常睇好保險業務嘅前景，佢咁積極出席呢啲獎賞大會，唔通想將保險業務「卒」上去？呢個大會都有點保險公司「百萬圓桌會」feel。