意外頻生的屯門公路又被揭發危險陷阱，「LZ3421」在香港討論區表示，屯門公路往九龍方向，汀九橋近長青隧道附近有人放釘，「途中見有兩架車應該係爆咗胎，停咗喺一邊，小弟返到（停）車場，條尾胎冇乜氣，一check（檢查）之下，中招了……」
疑拖車公司落手
網友懷疑是拖車公司所為，警方表示新界南交通部翻查紀錄後，發現未接獲有關投訴，但交通警員巡邏時會加強留意。
「LZ3421」留言引起數十名網友迴響，「aa325325」稱：「屯門公路慢線成日有人放釘」，「gsr@小怒荀」聲稱也曾中招，「有次由屯門公路出觀塘爆同軚（胎），一check之下（釘）入晒（胎）喎，唔講唔知原來都有人玩嘢囉。」
司機無辜爆胎，「lokchanhk」謔稱汀九橋應改名「釘九橋」，又說日後只行中、快線，「calvin2036」質疑是拖車公司所為，「ricky668」言之鑿鑿，「我有朋友開拖車公司，佢話冇生意時真係喺吐露港（公路）放釘，真係好狗呀！」「calvinchiu」則說觀塘繞道也是放釘黑點之一。
爆胎應亮死火燈
香港汽車修理同業商會理事長李耀培稱，私家車多採用無內膽的車胎，被刺穿後會慢慢漏氣，司機應亮起死火燈，保持鎮定把車駛至安全位置，如在高速公路則應靠左停在路肩，在安全情況下換胎，否則應找拖車把車輛拖回車房。