劉青雲、鄭伊健、周麗淇及新人霍思燕前晚在銅鑼灣出席新戲《我要成名》首映禮，郭藹明也到場為老公劉青雲打氣。霍思燕在戲中本有場全裸戲，後雖改為半裸演出，只以手掩胸，惜最終被導演剪至只看到肩部，她說：「為部戲冇問題，cut咗都唔可惜，我只做好本份。」
青雲透露稍後拍攝杜琪峯及韋家輝新戲，並扮精神病患，要減肥演出，已由170磅減至現在150多磅，他說：「仲未夠，要減到150磅以下，𠵱家身形縮咗水，好似冇咗自己一樣。」
青雲慣倒灶
對於被伊健稱讚在戲中表現有機問鼎影帝，青雲則說：「我永遠都好似巴西隊，係大熱，捧我嘅人多，但最終都攞唔到獎，我覺得拍戲開心就夠。」伊健將於10月便39歲，他說：「我目標係做導演同經理人，開間伊健事務所。」
採訪：張俊銘 攝影：仇志德