雖然唔係春季，但時晴時雨，感覺依然好潮濕。網友阿To就話，佢屋企個直身衣櫃好潮濕，搞到啲衫有一陣霉味，洗完又係咁，都唔敢再將啲衫擺入衣櫃，問吓大家有咩辦法搞搞佢。其他網友都好幫手，即刻醒幾招佢試試，小記都有呢個問題，試過照做，又好似幾得喎：
1.食物防潮劑：食完餅亁或者旺旺，通常會附有一包包白色嘅防潮劑，其實嗰啲可以保持環境亁燥，清理亁淨餅碎後可以放喺衣櫃入面。
2.楔報紙：放啲舊報紙入衣櫃，因為報紙係有吸濕嘅效用㗎。
3.亁茶包：用茶包啦，亁茶包吸濕力超強！
4.燒烤炭：買一方形盒同一包燒烤炭，叠好兩層炭在盒裏面，以薄布蓋着，放衣櫃底即可，每隔一個星期取底層嘅炭，用太陽曬亁，輪流替換，可長期放在衣櫃，既環保又實用。
5.絲襪臭丸：最簡單，用臭丸，用絲襪袋住，掛喺衫同衫中間。
記者：葉雪芯