話SONY設計有自家一套Style，真係一啲都冇講錯！點解無端端講呢樣嘢？事緣有網民開Blog討論緊第三季見街嗰隻索愛Z610i，個個勁讚機身拋光造型好靚，唯一可惜係佢唔屬於WALKMAN系列之一。跟手網民仲提議不如喺機身上加料，變身做SONY嗰部MP3機A1000啦！
查實兩隻機睇落又幾似孖生兄弟㗎！既有鵝蛋咁圓滑嘅輪廓，而且機面嗰層油仲「令」到不得了，離遠啲睇，真係唔覺有乜分別！不過，最有創意嘅都係班Blog友，佢哋建議喺Z610i上加番個MegaBass功能，然後再送張512MBM2卡，最緊要喺機面度燙埋個WALKMANLogo，咁到時候仲唔係要改名叫W610i?!
記者：陳國輝