周杰倫前晚喺北京出席「魅影音樂會」，即場自彈自唱歌曲《髮如雪》，點知忘記歌詞發台瘟，都算老貓燒鬚。當佢同代言嘅手機商外籍高層傾偈嗰陣，又好似雞同鴨講咁，大出洋相，事後周杰倫解釋話：「我英文不好，不過沒關係。」其實佢女友侯佩岑同舊愛蔡依林都講得一口流利嘅英語，都唔明點解周杰倫拍拖嗰陣唔好好學吓嘢。