韓星李秉憲前日公開咗電影《夏天物語》喺全羅南道順天嘅拍攝場地，俾佢班日本師奶fans到場「朝聖」，結果有成50名日本影迷組團到場睇偶像。由於佢哋不停吱吱喳喳，最後要導演請佢哋離遠少少，以免影響拍戲進度。Fans無緣接近憲哥，但有隻蚊竟然藉佢接受傳媒訪問時錫咗佢塊面一啖，搞到憲哥右邊面又癢又腫，睇嚟呢隻蚊都應該係雌性。