舒淇、梁朝偉和徐靜蕾昨日在數碼港拍攝電影《傷城》的外景，有周刊指舒淇拍《傷城》的片酬比7年前升了10倍。
舒淇厭倦記招
舒淇說：「梗係冇啦，做得咁辛苦做乜，最好100級跳。我鍾意做戲，可惜做演員好變態，情緒波動大，傳媒、雜誌寫嘅嘢搞到我好冇癮，我問公司可唔可以連記者會都唔做，但係唔得。我喺圈入面10年，應該睇得開，但都唔鍾意，遲多兩年我會喺合約度寫明唔參加記者會。」
梁朝偉也被報道片酬高達100萬美元（約780萬港元），對此偉仔說：「唔止。」問他是否有1,200萬港元片酬？他坦言：「咁上下啦。」
另外，偉仔當年被雜誌偷拍與劉嘉玲同居，戀情才因而曝光，他說：「咁拍拖俾人影到冇法，影去食飯就冇所謂，影換衫就唔好。」
採訪：魯萍 攝影：陳偉權
