「學校唔畀戴粗框眼鏡！粗框眼鏡要經審查，啲色鮮少少，個框粗少少……有啲花紋都唔得！學校之前又冇講過唔畀戴，暑假又冇特別通知，我啱啱先配咗個成千蚊嘅粗框眼鏡，𠵱家都唔知點算！」「都唔知點解𠵱家啲學校要訂埋啲奇怪校規！」沙田浸信會呂明才中學學生「Felixpie」在香港討論區留言，質疑校方新訂規矩，其他學生群起吐苦水，「dylan_l」指「眼鏡都管，眼鏡點樣影響學校聲譽呢？好無謂、多餘。」
「KI琪」表示，「我間學校都話唔畀（戴）帶粗框眼鏡，鮮色（紅、黃、橙）唔畀，框多過一隻色唔畀，裏外唔同色唔畀。」「Yan~晴」認為這些規矩「真係好無聊，唔通戴副粗框眼鏡就係壞學生？唔通會影響校風？」
呂明才中學校長鄭祖澤表示，學生用品應以樸素實用為尚，現時流行的粗框眼鏡卻「花款奇怪，五顏六色」，而且價錢不便宜，為免學生追潮流標奇立異，校方才訂立新規矩，「眼鏡係日用品，唔係裝飾品，無需要咁花巧。」