組合女F4噚日喺台灣着晒三點式，喺泳池邊錄影節目《幸福向前衝》，大晒迫爆身材，現場肉光四射，睇到班工作人員眼定定。最近啱啱接咗做旅遊節目主持人嘅Fanny自爆日前去花蓮拍外景嗰陣，俾麻薯大王個寶貝仔睇中，對方仲追住佢問佢攞電話號碼，搞到Fanny受寵若驚。不過問佢哋究竟有冇發展機會？Fanny就話：「遠距離戀情我沒信心，還是留回憶就好。」