雖近年《FF》新作備受批評，不過NDS重製版《FF3》一出，又再次勢如破竹賣斷市！可能引嚟一批已放棄《FF》嘅機迷回歸，始終最叫人難忘係頭七代。據剛遊日完畢嘅朋友報料，重製版《FF3》喺日本狂谷廣告，不過基本上「FF同梱版」已完全斷貨，喺新宿大型百貨公司或小型Game舖均貼晒「品切」（沽清）告示，去到門口已可死咗條心！就算齋Game版都只係得一間有得賣，大堆機迷失望而回。
港貨源已見充足
香港情況卻剛好相反，雖然頭幾批貨仍是短缺兼炒起，不過隨住行貨落場，齋Game版已回落至三百幾蚊合理價，貨源充足絕對唔憂買唔到。而最多人搶嘅「FF同梱版」一樣有大貨返，唔計首天炒到$2,800，隨後已回復至約二千蚊「較合理」價，有Game舖就表示已賣出幾百部「FF同梱版」，算係近排少見嘅大買賣。
記者：徐影龍