恭喜！恭喜！立法會議員丁午壽媳婦、前名模何穎雯上周五（25日）在養和醫院順產誕下第二胎，事前一直保密胎兒性別也公開了：是一個重6磅13安士的男嬰。
三小時搞掂
何穎雯病房門外放滿祝賀的花籃及氣球，她昨日在醫院接受電話訪問，難掩喜悅心情說：「BB早產咗兩個星期，好健康！今次其實都幾手忙腳亂，因為上個星期三去完AnyaHindmarch活動，之後都冇諗過咁快，隔一日就作動要生，老公（丁天立）送我去醫院、陪我入產房，由作動到生，都係三個鐘頭嘅事，真係好快，我都唔係好辛苦，加上第二胎有經驗，安心啲。」
第一胎是女的何穎雯今次誕下麟兒湊成好字，之前曾透露想生夠三個子女的她，可會因此收工？她說：「暫時唔諗住，都係湊好BB，養好身體先，改名嘅嘢都仲諗緊！」
採訪、攝影：DebbieLum、RitaLeung