亞視藝員寶珮如同林建明前晚去尖沙嘴出席心晴行動搞嘅晚宴，曾發生車禍、現已康復嘅寶珮如仲擔任表演嘉賓，大姐明林建明大讚佢把聲拍得住容祖兒，可惜際遇唔好。早前有雜誌報道話藍潔瑛再搵律師朋友曾權威攞生活費，大姐明話：「佢個病唔係抑鬱、焦慮嗰種情緒病，我哋個會（心晴行動）係幫唔到佢，佢應該係自己幫自己。」