要衡量竹枝是否適合繼續使用，錦新棚業工程公司負責人曾健安表示需要靠師傅經驗：「通常我哋會睇吓條竹重唔重，如果過輕即係冇水份，較容易斷，所以太乾身嘅都唔得；同埋睇吓有冇細窿，有嘅話即係有蟲蛀過，會唔實淨。」
曾健安又謂，拆樓用過的竹都不會翻用，因為拆樓時會有很多石屎橫飛，竹枝「唔襟用」。不過，若聘用經驗不足的「中工」，即有經驗但未達師傅級的工人搭棚，他們未必能夠分辨出有問題的竹枝。
疑聘經驗不足工人
他說，購買一條長20呎的竹枝只需六元，「料錢喺呢行唔係錢，人工先係最貴，師傅同中工人工差成倍」，因此不排除有人為搶生意，而聘請經驗不足的中工負責工程。
另外，現行建築地盤（安全）規例規定，高空工作的工人在佩戴安全帶時，須將安全帶繫於穩固的地方。但工業傷亡權益會幹事吳松蔚指出，工人經常面對「冇地方落繩，唔知扣喺邊度好」的情況，以致他們隨便或錯誤地把安全裝備，連接在不穩固的結構物，例如欄杆及竹棚上。
吳松蔚表示，從力學角度計算，供安全帶落扣的地方需承受工人體重六倍，才能達致最佳的安全效果。
新聞資訊研究組