蘭西情報課:地產代理拔尖專搵初哥

蘭西情報課:地產代理拔尖專搵初哥

出名職級名銜多嘅地產代理,咁多年嚟,都冇出現明顯架構臃腫,可能同員工流失有關,尤其當最高層離職,往往牽動中層跳槽,對於隨時要總動員,打新盤嘅代理,影響都好大。美聯打算整個「管理優才拔尖計劃」,請班全新嘅人,由基礎教起,培養歸屬感,希望佢哋成為管理層。
美聯葉潔儀話,佢哋過去幾年都係以加薪挽留員工,但係仍然面對愈嚟愈嚴重嘅員工流失問題,好似後勤員工,5年資歷以上嘅,由過往幾年佔30%,變成今年嘅28%,為咗未雨綢繆,係時候諗計,培育新嘅管理梯隊。

請人計劃9月2號舉行,估計有最多300人參加,打算第一輪挑選最少一成,即最多30人,作第二輪面試,最後揀至少5個,作為期兩年嘅集中培訓。學歷要求最低都要大學畢業,反而工作經驗一定要少於3年,初出茅廬嘅小夥子,一張白紙咁,擁有無限可能性,更加容易調校。
電郵地址:[email protected]