洗衣機用耐咗，常會在洗完衫後出現一嚿嚿細小的剩餘物，明顯不是一般的棉碎，點算？網上求救訊號一出，過來人反應熱烈。
原來平時洗衣粉過量或衣物過量，都好易出現這現象，由於洗衣時的鹼水會連同污穢物經由洗衣機內的運水系統循環作用，當洗衣機使用了相當日子後，污穢物停留在水槽內大量集結，下次洗衣時水槽內的物質便會一片一片地被水沖脫，所以你會見到一片一片的物質。
市面上有時會有專用清洗劑。解決方法是用空機清洗，因無衣物負荷會轉得快一點，清理更有效，有人認為應該轉一會就停咗佢，畀半個鐘左右浸泡，再開機讓污穢物有足夠時間脫落。除了專用清洗劑，亦可以用洗衣粉作一次空洗，甚至試用大量的漂白水。不過如果過程中有怪聲，亁衣時又比平時大聲，就要留意機底有否漏水，或有可能係啤零散咗！