【本報訊】約三百名演藝界人士昨出席無綫發起的「私隱尊嚴香港人嘅事」行動，聲援早前被雜誌《壹本便利》偷拍更衣照的女藝人鍾欣桐（阿嬌），又聲討本港傳媒界偷拍藝人私隱的不良風氣。阿嬌在節目發言時雙眼通紅，激動落淚說：「我哋係好多小朋友嘅偶像，呢件事好影響我哋嘅image（形象）。如果我見到小朋友，我都唔知點樣去面對佢哋。」
阿嬌提偷拍落淚
身穿黑色外套、牛仔褲的阿嬌當提及偷拍事件時，她不禁當場灑淚。阿嬌說自己入行數年，一直很努力建立自己形象，被偷拍相當不幸。事發後一直提心吊膽，「唔知幾時影，影咗幾多，好擔心重有其他相」。
阿嬌在節目後說，家中年幼的妹妹都知道偷拍事件，不知怎向對方解釋。她又說日前出席兒歌頒獎禮時不敢正視現場的家長。「雖然唔係我嘅錯，但喺我身上有一個大污點。」
藝人劉德華在該節目上說，若有市民偷拍「裙底春」也會被視為色狼，「唔知點解記者拍到呢啲相，仲可以放喺封面。」他說阿嬌被偷拍，猶如自己的親妹被人偷拍一樣。「如果阿嬌吸毒畀人偷拍，咁大家可以一齊打佢，如果阿嬌係你細妹，咁你哋會點？」香港演藝人協會前副會長張學友批評，阿嬌不願給公眾看到她更衣，「喺咁嘅情況下偷拍，同非禮、強暴冇分別。」
市民私隱被踐踏
協會名譽會長成龍表示，阿嬌被偷拍成為國際事件，馬來西亞當局也說這是一種恥辱。「阿嬌𠵱家去偷佬咩？喺更衣室換衫都係罪？」香港電影工作者總會秘書長岑建勳呼籲，記者也應拒絕進行不道德的偷拍。協會副主席鄭丹瑞批評，部份傳媒的底線不斷後退，「退到踐踏市民私隱嘅地步」，希望政府找出一個既能平衡新聞自由，又能保障市民私隱、尊嚴的方法。
無綫電視總經理陳志雲表示，集結演藝界人士分擔所受的創傷，非要針對一份雜誌，一份報章，「而係要面對不良嘅傳媒風氣。」