北區醫院急症室部門主管鍾展鴻表示，如遇到手掌切斷情況，應先為傷者止血，「用紗布同繃帶紮住傷口，如果仲係流血就要再加紗布，然後抬高隻手，要高過心臟位置，減少流血」。至於斷掌應用紗布包好，載於膠袋內，再放入雪櫃或裝滿冰的膠袋內保存，「千祈唔好直接放隻斷掌落啲冰度，因為啲冰溶咗就會浸壞隻手。」
接駁後活動或受影響
鍾展鴻指出，由於機械切口整齊，因此斷掌通常都可以重新接駁，「神經、血管、骨同埋啲筋都可以駁番，不過埋口之後隻手會梗啲」。他表示，手術後手指的活動機能會受影響，微細的工作未必可做到，但一般工作都可勝任。
假如斷掌不能重新接駁，則需要安裝義肢。去年意大利、西班牙等國的科學家研製出一種新型智能「人工手」，可與人體神經中樞系統聯繫，將感官傳回大腦，令傷殘者感覺到手的位置和動作，預料一年後可用於人體上。