【番禺直擊】麥家琪、盧海鵬和李香琴等昨日在番禺長隆歡樂世界和野生動物園，拍攝亞視節目《喜有此理之大班群星賀中秋》。
家琪表示早前到內地登台，發生一件不愉快事件，她說：「我去咗一間酒吧表演，唱咗幾首歌好口渴，酒吧負責人就遞咗支啤酒畀我飲，佢話係啤酒商贊助，我咪一飲而盡，點知酒吧負責人個朋友大聲嗌話支酒落咗嘢，我都有暈暈哋嘅感覺，做完騷後，我就去咗醫院洗胃，但醫生話洗胃好辛苦，佢建議開啲藥畀我食完屙番出嚟。」
大斥行為卑劣
家琪力斥落藥的行為卑劣，她說：「自願食就抵死，對方咁做好賤格，我𠵱家好憎毒品。」
此外，由於天氣酷熱，琴姐在拜神時身體不適，工作人員即帶琴姐到陰涼地方休息，又為她撥扇和按摩穴位。
採訪、攝影：曾小嘉