懷孕中的歐倩怡日前與郭晉安到大坑擦海產，在華人社會中，孕婦懷孕期間向來禁忌多多，譬如不能吃生冷食物等。婦產科專科醫生龍炳樑昨日表示，孕婦除要顧及均衡飲食外，更要注重飲食的衞生，他說：「生蠔和田螺（圖）等海產冇講話唔食得，但要符合衞生，生蠔生長喺水中，香港水質唔清潔，如果煮得唔熟，好容易會有病毒感染，尤其係肝炎，甚至會食物中毒，導致屙嘔，但就唔會直接影響胎兒。」