今日主題繼續係炒業績，經紀黃叫留意造電器配件的通達集團（698），公司將於8月30日公布中期業績，盈利據講有不俗升幅，可以留意。
其實單睇通達主席兼大股東，由04年起一直係咁增持，直至7月底公布業績前一個月先至停手，就覺得隻股一定有啲嘢。
另外，惠理基金揸咗11％，買得咁重手必事出有因。今年1月，通達股價仍在0.15元樓下，但最近已升至0.40元。
通達昨日升1.27％，收0.40元，成交股數504萬股，金額205萬元。
通達雖然算係基金股，但小初總覺得隻股炒味濃。
另外，上周講到新股永嘉（3322）受歡迎，可以偷步炒李寧（2331）。
李寧昨日公布中期業績，盈利升66％至1.3億元人民幣，算係有交代。李寧昨日升1.13％，收8.06元。
經紀黃又話，聽講班芬佬對永嘉都有興趣，相信會要番多少貨。
慕容小初