為滿足不能長期飼養動物人士的需要，以及改善遺棄動物情況，「出租寵物」在日本及台灣均相當普遍，北京也開始出現類似服務。以日本為例，東京地區04年已經有115間出租寵物店，就連遊客只需出示旅遊證件，都可租借各式寵物。
不過，這個「新興行業」卻被網民聲討，網友giriguru在網誌內發洩不滿：「乜嘢叫做試養呀？𠵱家你當啲貓貓狗狗係電話電器，14日試用有壞包換呀？就算係攞出嚟賣，啲動物都係有生命，唔係畀你鍾意就玩幾日，唔鍾意就退貨唔要掉出街㗎……貓狗都需要感情寄託㗎，你養佢幾日又話唔養攞番出嚟，將佢當波咁傳來傳去，呢啲係咩態度呀？知唔知咩叫尊重生命呀？」在Petpetplayland討論區，網友marcotkd指即使寵物店為保顧客信心而設退換服務，買狗人士都不宜退貨：「因為店方如換隻新狗畀你，那隻有病的小狗就只會死路一條……」不過，在香港討論區，網友HA_HA則表示：「唔知點解我覺得係好事……𠵱家畀啲人試下自己係咪suitable（適合）先至決定，對狗對人都會係好事……咁樣可能可以減少遺棄。」