柴灣北配水庫中秋命案，三名青年被判刑，鄰舍輔導會東區及灣仔外展社工隊社區中心主任蔡小姐指出，事件並不代表柴灣區的童黨問題特別嚴重，反而此案要提醒青少年做任何事前，應考慮後果。
網上交友要有戒心
蔡小姐說：「青少年嘅自我控制能力冇大人咁高，容易起哄，加上佢哋會覺得，『我打佢一、兩下啫，或者我只係喺旁邊叫下啫，又冇打死佢。』咁樣容易令佢哋以為自己冇責任、唔關自己事，但佢哋冇諗到，十幾人每人打一、兩拳，對被打嘅人會有咁大傷害，所以年輕人做事前真係要諗清楚後果。」
對於涉案者與死者透過網絡遊戲認識，香港中華基督教青年會註冊社工鄧永昌表示，衝突起因可能與網友在現實生活的表現，與網上的印象相差太大引致，「喺網絡遊戲入面，嗰個人可能好正義、好肯幫你，但唔代表現實中都係一樣，佢可能係想呃你出嚟先扮好人，所以喺網上攞到嘅資料，只可以作為參考，唔好先入為主咁覺得佢真人咁好人，識佢真人時，要抱有戒心同適當嘅懷疑態度，同埋觀察對方嘅言行舉止，啱傾嘅先同人做朋友。」