女歌手們每年參與港台太陽計劃活動都將大會T恤改頭換面，今年的太陽計劃閉幕騷前晚在香港仔舉行，以鄭融剪剩大會標誌，扣在紅舞衣上最有心思；而薛凱琪穿低腰短褲與跳舞跳到露底的2R鬥性感。
楊千嬅、鄭融、關心妍及2R等前晚於黃竹坑香港仔運動場演出「太陽計劃2006閉幕──橙色南區太陽夜」，女歌手各出奇招，將大會T恤改裝，其中薛凱琪（Fiona）及周麗淇剪細T恤套於衣服上、關心妍剪成背心款，鄭融則只要大會標誌，掛在其紅色衣裙上，配襯鑲滿珠片的短褲，算是最有心思。服裝落足心思外，眾人又落力獻唱，其中2R的Race又唱又跳，短裙飄起不慎露底。
火紅舞衣$4,000
鄭融表示一身衣裝值4,000元，提到Fiona與房祖名的緋聞，作為Fiona好友的她說：「Fiona要求高到唔實際，冇地球人可以做佢男友，佢都係要搵外星人先適合，我唔信佢哋拍拖，如果咁我都唔知，我就好失望囉，佢成日話自己係MissDry。」
沒有改衫的楊千嬅與側田打頭陣，唱大會主題曲《橙色暑假》時表現失準，更有少許走音，又似乎因忘記歌詞狂笑，事後她說：「我見側田開咗turbo咁跳舞，好似RickyMartin，綵排時唔見佢咁，好好笑。」
千嬅揚言剛自倫敦返港感疲倦，她說：「可能有時差，我陪細佬去開學呀，返到嚟仲攞錯個鬼佬嘅行李，好詭異呀。」早前有傳她欲過檔東亞唱片被壓價，只好吃回頭草再冧黃柏高（Paco），千嬅說：「冇人比我更清楚自己做乜嘢，人哋講乜嘢都係為交差，我唔緊要囉。都唔係第一次經歷續約問題，𠵱家真係未決定係咪續約，我考慮緊自己想做乜嘢，Paco對我係有知遇之恩，𠵱家仲有三個月約。」
問有否被東亞壓價，千嬅說：「講乜嘢都冇所謂，我只係同過Paco傾，佢好夠誠意，我做咗10年，知道自己財政要點處理，只係做得好辛苦，好想放假。」問她會否急於找男友，她說：「愛情係生命調劑品，女人都可以獨立工作。」
此外，Fiona昨日在新元朗中心出席開學活動，大會安排她與fans比賽包書，Fiona笑說：「包書我實輸。」全程雞手鴨腳的她包到書都不能摺埋。至於與房祖名的緋聞，Fiona覺得毋須避忌，兩人繼續大方做朋友。
採訪：王連連 攝影：林德雄
