香港人慣飲凍飲，每次幫襯茶餐廳都例俾人屈三兩蚊，習慣咗好似無問題，但諗真啲都幾搵笨。網友MOUSE168就問：「平日食飯，跟餐嗌凍飲，大多數食店都要加錢，點解？大家又點睇呀？」好問題，究竟點解？shan289解釋：「啲冰都要錢㗎！」無錯，但成本幾多先？Nady甚至話：「有啲冰係水喉水嚟㗎喎，成本好低！」愈諗愈覺得加$2唔抵，唔少網友就話加$1可以接受，正如bar偉所講：「加$2以上覺得被屈。」但老實講，香港人都慣晒俾人屈呢$2㗎喇，Obegl講出大家嘅心聲：「無感覺，日日食都麻木！」咪就係囉，係屈你呀，但你又會唔會因為不甘被屈而唔飲凍飲吖？
http://www.uwants.com/viewthread.php?tid=2566334&extra=page%3D3&page=1