城中名人明星懷孕初期多不肯承認喜訊，中國傳統一直有防BB「小器」的說法，指懷孕未滿三個月親人必須口密，堪輿學家李丞責昨日說：「其實呢樣嘢係冇根據嘅，呢個講法係淺白啲希望令人容易明白，基本上呢種係一個傳統禁忌，係坊間流傳嘅，古時添丁係一件好重要嘅事，祖靈賜福，但就要過百日關，喺100日內不宜輕舉妄動，如果唔係胎兒好容易會胎死腹中或者夭折，所以傳統上一啲禁忌唔可以做，包括動土、搬屋、拜神或殺生等，而唔講係其中一種，因為怕人知道會講恭賀說話，胎兒未定形，會令孕婦構成心理壓力，所以遲啲先講都係一件好事。」
在醫學角度來看，胎兒在懷孕首三個月確實不甚穩定，婦產科專科醫生龍炳樑表示BB在母體內變化最多是開始的12星期（三個月），故懷孕初期要特別注意安胎，否則容易導致流產。