網友嘉林好自豪自己有一頭又長又黑嘅秀髮，要Keep得頭髮靚靚，就梗係要時時梳吓佢，但一梳頭髮，就會黐咗好多脫髮喺梳裏面，日積月累，好難清理！睇睇Blog友啲方法，又唔錯噃，三千煩惱絲就此得到解脫！
1.梳都用牙線：用牙籤或牙線在卡滿頭髮的梳子上來回挑除，可以將細條嘅頭髮挑出呢！
2.橡筋扯：用橡筋圈着梳針，特別係圈喺有頭髮黐住嘅地方，大力一扯，重複以上動作約10-20次，就可以清除頭髮。
3.浸暖水：將梳倒轉，在暖水中浸過夜，第二朝就會發現頭髮自動離開把梳㗎喇！
4.番梘洗：用牙刷，沾上少許番梘水洗刷，有助將頭髮洗出，但千祈唔好貪快，要輕力慢慢洗，否則好易洗爛把梳㗎！
記者：葉雪芯