香港雖然叫做咩都有，但日本有好多Brand香港依然未有引入，有時睇日本雜誌好似《mini》或者《Zipper》都係得個睇字，好多牌子香港依然未有代理，惟有繼續望自己去日本掃貨或望水貨舖識得入貨。最近網上討論區班時裝精的熱話，就係突然發現銅鑼灣同旺角有日本Cutie牌子CandyStripper的影蹤，原來老闆Lisa攞到CandyStripper的香港代理權，大家唔使再捱貴水貨，慳到嘅錢買多件都仲得。剛巧今年正係CandyStripper的10歲生日，為要大肆慶祝一番推出限量版絕對係指定動作。為顯出生日大晒的矜貴，日本方面每間shop都只分得每款一件的限量版，Lisa話好在香港都有幸分到幾個款，要買真係要趁手啦。