就快就到開學季節，學生哥就快又要開學，大學生應該差唔多去完O-camp準備揀科。越南的大學都係差唔多放完假開學，芹苴最多人揀的科目你又知唔知係邊科？BBA？Econ？統統唔係，而係農業。越南係個農業社會，主要靠種稻種生果為生，尤其係近湄公河一帶的地方，更加無農業唔得，所以當地大學生揀科首選係讀農業，讀完之後就回饋社會，好似網友Kau話佢好想入讀，不過佢話入學要求都幾高，英文又要好，又要識理科又要有地理根底，都唔係咁容易，佢都驚入唔到。網友Lin就話佢原本都想讀，不過入唔到就揀咗讀英文，因為讀完英文可以入到旅遊行業，唔驚搵唔到嘢做，有好前途，所以英文係第二位大學生想讀的科目。
相關網址：vn.yahoo.com
笨Ben