香港人口味之古怪，真係估都估唔到，有無諗過有人食菠蘿會點豉油？上網見到網友ROCK1860提供菠蘿新食法︰「有無人食菠蘿時，會點豉油食？我屋企會架（㗎）!!而且好好食添（㖭）!!」口味呢樣嘢好主觀，jefftiger回應︰「啲味都唔match，用鹽水浸左（咗）先食就會。」janecc直接柴台︰「我唔會囉，因為好怪喎，又酸又咸（鹹）。」綜觀咁多位網友留言，都係覺得味道太古怪，不如又等我推介另一個古怪食法畀大家吖，牛油果切片點Wasabi同豉油食，無論口感同味道都好似食魚生，呢個食法係一個外國朋友教我嘅，佢話︰「好多外國人唔食魚生，偶然發現咁食法同食魚生好相似，咪試吓囉。」大家接受到的話，不妨一試啦。
網址︰ http://www9.discuss.com.hk/viewthread.php?tid=2152797&extra=page%3D