積金局公關部前主管羅太走咗之後，個位懸空三個月，下個月終於有人返工。來自城大嘅陳利碧衡將於九月七號到位，佢在城大就會返埋今個禮拜。人來人去，近年八大院校對外事務處音樂聲不斷，大家都慣。陳太在城大做咗六年，之前在地鐵任職，以佢嘅經驗入積金局當然冇問題，佢走咗之後，城大公關部有資深傳媒人馮強主掌，亦唔會有問題。
講開積金局，佢哋位執法部阿一李樹榮亦被市建局挖角，聽聞係因為市建局要搞觀塘裕民坊重建呢個世紀大計劃，需要一啲猛人幫手，李樹榮出身自運輸署，官拜助理署長，同林中麟都係政府中人，應該好易磨合。
九月開始，積金局會實行五天工作制，呢類機構當然冇政府部門咁多閒話，員工亦肯定唔會如昨日嘅銀行從業員般上街示威，抗議可能要周六日輪班。放多半日假都有人不滿，呢個世界真難理解。