太陽計劃2006閉幕——橙色南區太陽夜，昨日在烈日下於香港仔運動場綵排，出席歌手包括薛凱琪（Fiona）、王菀之、周麗淇和關心妍等。對於前晚跟緋聞男友房祖名前後腳到紅館欣賞王力宏個唱，Fiona昨日解釋說：「唔係前後腳，係佢幫我攞飛睇王力宏，點知太爆，要分開坐，我哋冇話邊個date邊個，祖名之前聽過我想睇，咁就一齊agree去睇，大家係普通朋友。我𠵱家冇拍拖，冇人追。」
至於被傳不和的周麗淇和關心妍，昨日全體大合照期間各據一方，記者要求二人合照，周麗淇聞言後即主動攬着關心妍任影唔嬲，十分識做。
Fans賀生日
此外，於後日生日的周麗淇，日前在鄉村俱樂部舉行SummerParty，當日共有400多名fans為她預祝生日，場面熱鬧。一班熱情fans見到偶像時，表現得十分興奮，周麗淇又與他們大玩遊戲，而她事前更特意穿上泳衣打底，以及做足防蚊措施，周麗淇說：「我貼咗好多防蚊貼喺入面，最緊要冇蚊埋到身，全身仲噴咗好多蚊怕水。」
採訪：王連連
攝影：林德雄
