側田和方力申作為年輕偶像，當然要言行謹慎，就算面對身材惹火兼穿性感比堅尼的動漫節模特兒Maggie時，也不敢正視一眼。方力申更以舊患復發「頸梗梗」作為逃避對方目光的藉口；側田也只敢偷偷望，不敢正視她。
側田、方力申和吳雨霏（Kary）昨日在屯門市廣場出席《戀愛初歌》簽唱會，大會請來動漫節性感女郎Maggie及Rosemary舊愛Gordon擔任模特兒。Maggie穿上比堅尼任小方與側田將飾物掛在身上，Kary則將飾物掛在Gordon身上。
欲邀做MV女角
當Maggie出場站在側田和小方之間時，側田只偷望了她一眼，之後便一臉尷尬，目不斜視向着前方，小方更大聲說：「我條頸梗咗，舊患復發。」以作為逃避Maggie目光的藉口。當大會司儀叫側田和小方在衣着平淡的Maggie身上掛飾物時，側田忍不住說：「吓！佢咁都算平淡呀。」
小方解釋頸梗只是開玩笑，他說：「我有留意過佢啲新聞，係香港出名嘅model，我都想請佢拍我嘅MV，我會同公司講，不過我嘅歌唔係陽光海灘喎！」
側田則強調沒尷尬，他說：「之前拍廣告有七個bikini女仔喺我面前，又俾人話，次次都俾人寫，都冇所謂啦！」
換低胸裝玩遊戲
此外，Maggie換上低胸裝與側田合作玩遊戲，對於兩位男士都不敢瞄她，她說：「冇乜嘢啫！我覺得着bikiniOK喎，我冇尷尬，都係做番自己嘢。」她表示不介意性感，並說：「梗有人支持同有人唔支持你㗎啦！」
採訪、攝影：魯萍
