「唔少準新人喺宣誓時緊張到忘記對方嘅名，又或者忘記帶身份證註冊，甚至有啲新人唔知戒指戴邊隻手指，總之有好多估唔到嘅趣事。」身兼副婚姻登記官，主持過數百個婚禮的王少蓮提醒準新人，緊記保持輕鬆心情，便可順利完成一個既簡單又隆重的難忘婚禮。
已擔任副婚姻登記官五年的王少蓮說，一般人誤解以為婚禮儀式必須交換戒指，其實不然，「最重要係宣讀願意與對方結為夫婦，然後喺兩名見證人同婚姻監禮人面前簽署結婚證書就得，法例並無規定要交換戒指。」
老師結婚最難搞
王少蓮最難忘替一對70多歲的長者主持的婚禮，對方年輕時已進行過中式傳統婚禮，並已兒孫滿堂，婚禮中的「新娘」一反傳統身穿紅色禮服。「個新娘仲好怕醜，佢哋喺成班子孫面前再次宣誓，個場面真係好溫馨感動。」最難「搞」的婚禮首推為教師主持的婚禮，「好多學生觀禮，不單止將個禮堂塞到滿晒，學生亦都會比較活潑嘈吵，佢哋又會好奇想睇吓老師張身份證，希望知道老師嘅年歲，秩序上會比較難控制。」
本報記者