五年前當選亞視女優冠軍的李綺雯（𡃁妹）最近轉投無綫，在事業上展開新的一頁；感情路上，近日有傳力追鄧麗欣的導演葉念琛是其男友，𡃁妹日前即以一身tubetop、短褲示威，更表明擇偶對象必須高大靚仔和有錢，反而不太懂欣賞有才華的男士，明顯要與葉念琛劃清界線。
李綺雯日前以一身tubetop和短褲在池畔拍照，她表示最愛到泳池暢泳，不過今年就未行下水禮，她說：「今年放親假都落雨，所以仲未有機會游水，我本身好少去香港啲沙灘，原因係怕漆黑一片嘅海水，原本諗住泳池會亁淨啲，不過舊年試過喺泳池見到池底竟然有張紙巾，個感覺真係唔多好。」
擔任主持
轉投無綫後的口靚妹，工作接踵而來，除獲安排在生活台擔任主持外，最近更夥拍林曉峰和李璨琛等主持全新遊戲節目《遊戲天王》，女優比賽出身的她期望工作上有好的改變，她說：「主持同拍劇都鍾意，希望公司畀多啲機會啦。」
愛高大威
最近有指力追鄧麗欣（Stephy）的導演葉念琛是其男友，口靚妹否認說：「我只係客串過佢執導嘅電影《獨家試愛》，唔明點解傳佢係我男友，報道出咗都有打電話畀佢。至於Stephy都係拍嗰套戲見過面。」口靚妹更笑言要公開擇偶條件，她說：「我鍾意高大靚仔同有錢，唔係好識欣賞有才華嘅男士。」擺明要與葉念琛劃清界線。
採訪：卓美娟 攝影：林德雄
