大陸房地產股呢排受宏調加息影響，走勢已冇先前咁強勁，但唔少投資者甚至公司仍然睇好呢瓣生意，繼續勇往直前，例如中遠國際（517）剛剛向阿媽增持中遠房地產業務。
中遠國際呢排股價係咁升，幾乎日日都創出今年新高，但經紀黃話，由於中遠國際阿媽有心湊大呢個仔，加上有證券行幫手向芬佬推介，隻股仍然高處未算高。
中遠國際近年頻頻重組業務，一度以船舶業務掛帥，但最近重心似乎又擺番去大陸房地產，由於有阿媽大力支持，所以小初都唔敢睇小。隻股上周五升1.87％，收2.18元。
另外，建滔化工（148）今日公布中期業績。經紀黃話，有人早前事先張揚話一定得，所以股價持續企硬，加上分拆積層板業務一事如箭在弦，不妨望多兩眼。
建滔上周五下跌2.49％，收23.50元，成交股數81.75萬股，金額1950萬元。
慕容小初