中文大學生物化學系教授陳竟明解釋，氣罐內的易燃壓縮氣體加熱後，會導致樽內氣體膨脹，由於其體積可比原來大很多倍，因此氣罐一旦抵受不住壓力後，便會發生爆炸，非常危險，「至於爆邊個位，就要睇吓個樽邊個位較弱，好似一般打火機嘅氣罐，個底部就最薄弱」；至於爆炸威力則很難估計，要視乎加熱程度及樽內剩餘氣體多少。
只令氣體不斷膨脹
陳竟明稱，當氣罐內的氣體已差不多耗盡時，市民千萬不要誤以為加熱可令氣體「由冇變有」，並強調所有氣體是不可能藉着加熱而令其份量增加，「加熱只可以令到氣體不斷膨脹，亦即係容量有所增加，佔嘅空間雖然大咗，但其實氣體嘅分子量仍然維持不變，所以加熱係唔會有用。」