禮拜三期指結算，港股短期走勢仍會大上大落，反彈後會再試底，上次低位16871守得住否，係關鍵。
大市有大戶操控，例如滙控（005）同中移動（941）等大藍籌，好多時都被利用為推高和推低期指嘅工具。單邊市時，玩藍籌特別係藍籌輪，食正個浪，當然賺到笑；但一到咗上落市，策略就應轉到細價股身上。再玩輪，輸時間值，好蝕底；細價股日日都有百幾至三四百隻升，睇準個勢，一樣可以搵到食。
建星環保（8011）同聯康生物科技（690）之後，可留意雅域集團（1229）同創富生物（340）嘅表現，只要𠵱家醞釀緊嘅大計劃搞掂，股價隨時又會係建星同聯康嘅翻版。
以籌辦展覽活動及設計項目為主的筆克遠東（752），最近取得國泰航空（293）合約，為國泰城的博物館提供概念構思和整體及分部設計，合約總值1190萬元，計劃07年2月落成。
筆克會計年度10月結算，截至4月底的上半年度，營業額8.34億元，升10.8%；獲利5736萬元，升10.2%，每股盈利5仙。盈利比預期為遜色，股價因此由高位2.30元回落到1.40元水平。
摩根大通建議增持
中期結算後，筆克取得多項合約，包括亞洲及中國國際紡織機械展會2008協辦商、與韓國最大之市場傳訊公司CIIR建立策略性聯盟、澳門威尼斯人度假村、第15屆多哈亞運會、新加坡航空展08大會指定技術服務供應商，以及國泰博物館。筆克與CIIR合作，為客戶提供一站式市場推廣方案，預期首年已可帶來營業額約2億元。
下半年度為展覽業傳統旺季，生意額會較上半年為多，估計全年盈利1.5億元，升23.9%，每股盈利13仙。股價1.41元，係近半年低位，可趁機吸納，展覽活動經營商一向值較高PE，以保守的14倍計，股價已可重上1.80元水平。
摩根大通最新研究報告認為筆克要增持，目標價2.20元。另外，DBS唯高達相信筆克已獲得諾基亞和摩托羅拉的合約，未來半年可增加4000萬元收入，而與殼牌的合約每年亦可帶來1億至1.3億元收入，維持「買入」評級，目標價2.15元。
郭兆誠