湯告魯斯（TomCruise）自從俾派拉蒙炒魷之後，雖傳出有對沖基金斥資7.8億港紙畀佢拍戲，但佢依然好努力咁繼續搵新老細保飯碗。有指靚佬湯上星期四帶埋未婚妻姬蒂荷姆絲（KatieHolmes）去南加州聖莫妮卡，見雅虎嘅行政總裁塞姆（TerrySemel）。塞姆曾經喺華納兄弟電影公司做過12年，靚佬湯今年初又去過雅虎有份參與嘅電子展，唔知塞姆會唔會買佢人情呢？