瑞典超級聯賽周一上演4場賽事，當中最矚目為首都斯德哥爾摩打吡，由哈馬比主場出戰佐加頓斯，佐軍雖有前鋒希臣離隊，但作客不敗率甚高，受讓平/半可捧。
佐加頓斯唔怕「哈」
一度晉佔聯賽榜首的哈馬比，近兩仗全輸，其中一仗對手更只是榜尾分子奧基廸，亦因此回落至第3位；哈馬比過往名氣不響，但今季上半季有突破性演出，全憑彼德安達臣、辛歷等小將支撐；但近期銳勢已洩，對小將影響更大，不易重演上半季威勢。
衞冕冠軍的佐加頓斯，無疑今季表現褪色，國腳前鋒希臣更已轉投英冠球隊新特蘭；不過佐軍今季作客有極佳演出，7場作客聯賽取得3勝3和1負，不敗率高達86%，加上「打吡戰利下盤」，佐軍受讓平/半可捧。
同日推介另一支客軍艾夫斯堡，艾夫斯堡由國腳安達斯史雲遜率領，近期大勇，已累積7仗不敗，亦升上榜首位置；今仗作客近兩仗失分的哥登堡，受讓平/半可再追。另外，卡爾馬因為參戰圖圖盃，令球隊陷於低潮，可幸卡爾馬上仗已擊敗佐加頓斯，喜見反底，今仗有力主場擊敗加費萊。考慮卡爾馬今季6場勝仗，有3次為僅勝對手1球，可博卡爾馬讓球主客和「和局」。
文︰牽牛