早前嚟過香港嘅英國男歌手ShayneWard因為喉嚨生繭，今個星期四會飛去洛杉磯做手術。原來Shayne喺今年2月已經發現喉嚨有事，但冇諗過嚴重到要做手術。據Shayne嘅朋友講，佢近日心情好低落。查實佢又唔使咁擔心嘅，喉嚨生繭對歌手嚟講好普遍，主診醫生以前都幫過幾位樂壇天后做過同類型手術，估計六星期後就可完全康復喎。