一個月前，將軍澳中心開咗間機械人餐廳，轟動一時，網友icac喺討論區周圍問：「有冇人食過？」而且佢仲Post埋機械人張相出嚟：「機械人個Look唔係好醒，唔太吸引，我估佢係啞嘅。」咁你又估錯喇，其實個機械人識幫客人落單，不過就反應慢啲。網友peninsula認為：「100%GIMMICKonly.Foodisprobablyveryordinary.」言下之意，即係話純粹以機械搞噱頭，食物質素一般。我打電話問餐廳老闆，佢嘅回應係：「食物方面我哋一直有同師傅傾，希望做到更多好味嘅機械人套餐。我覺得機械人好吸引，唔係都唔會有咁多傳媒採訪啦，好多客人食完之後都表現得好開心㗎。」。