【本報訊】愛之深，管之切，媽媽怕子女受傷害，以非常方法約束孩子，結果往往適得其反。最近旺角有位兩子女之母，每次出街都惹來途人側目，原因是她腰間束有兩條鐵鏈，綁着一對小姊弟，防止他們亂跑。街坊普遍不認同這位媽媽的湊仔手法，防止虐待兒童會總幹事雷張慎佳擔心兩個小朋友會被人嘲笑，形成自卑性格。 記者：蔡元貴、黃偉駿
「鐵鏈媽媽」較常在旺角洗衣街及山東街一帶出沒，街坊對她印象頗深，全因她獨有的管束孩子方式。這位非常母親束着短髮，最近一個月開始在旺角出沒。她每次帶孩子逛街，總是用繩索箍在他們腰間，再以鐵鏈緊扣，連接到母親自己的腰帶，這樣就不怕一不留神讓孩子走失。
「初時覺得好好笑」
讀者邵偉翔於上周四在旺角街頭看見鐵鏈媽媽，還以手機拍下一家三口鏈拖鏈上街的場面：「初時我覺得好好笑，但係諗深一層，又覺得咁樣唔係幾好，好似放狗咁！」他形容，一對小姊弟，以弟弟比較頑皮：「個細路周圍摸，見到燈柱都撲過去摸一餐，可能因為咁，個媽咪先出到鐵鏈。」
街坊口中的鐵鏈媽媽，年約30歲，小姊弟則分別看似4、5歲及2、3歲。雖然被鐵鏈約束，但小姊弟並無痛苦委屈之狀。洗衣街報販殷太說，幾日前見過她以鐵鏈拖着孩子去超市買餸，感覺她待子女不差：「兩個細路喺度爭嘢食，媽咪就叫佢哋慢慢來，好好心機。」
在山東街經營汽車配件的盧先生則說，鐵鏈媽媽看來像新移民：「香港人一定唔會用條鏈綁住個細路，可能內地人文化背景唔同，覺得冇嘢，我見到就覺得好核突。」影音店東主林太對此更有點激動：「我個仔見到，我見唔到，如果我見到就會報警。」
關注兒童成長的專家普遍都不贊同鐵鏈媽媽的湊仔之道，信義會督導主任林兆秀指出，以鐵鏈約束孩子容易令他們反感，影響日後成長心態：「父母以為呢一刻可以控制到個小朋友，只不過係佢仲細，反抗唔到，但係當佢哋大個咗，就會更加反叛。」
損小朋友自尊自信
提倡政府成立兒童權利委員會的社福界立法會議員張超雄更指出，縱使鐵鏈媽媽無意傷害子女，但以枷鎖形式管束孩子，已可能構成虐兒：「呢位媽咪動機未必係唔好嘅，但係佢應該明白，社會絕對唔會接受用鐵鏈拖住細路出街，因為咁樣做對小朋友嘅自尊同自信都有影響，等同精神虐待。」
防止虐待兒童會總幹事雷張慎佳表示，鐵鏈媽媽的手法的確不合常規：「只有拖狗拖貓先用鐵鏈，如果驚小朋友百厭，應該揀啲冇咁危險嘅地方。我驚兩個小朋友會俾人笑，變得自卑。」
不同家長對於鐵鏈媽媽持有不同意見，同樣育有兩名小孩的趙太說：「睇嘢唔好睇表面，最緊要小朋友唔覺得受虐待就得喇。」李先生則擔心鐵鏈容易引致意外，對小朋友身體造成損傷：「條鏈咁樣綁住，如果個細路突然大力掙扎或者向前衝，就會整親，俾我見到，一定會報警。」
