「911」傷痛未癒，好多人批評唔應該咁快拍成電影，但荷李活趁今年慘劇五周年出籠嘅仲有由奧利華史東（OliverStone）執導，尼古拉斯基治（NicolasCage）主演嘅《世貿中心》（WorldTradeCenter），故事同樣改編自真人真事，講述紐約警員在瓦礫中拯救兩位同僚嘅經過，聽講又勵志又煽情，睇完唔會唔舒服。
會唔舒服係另一齣拍攝當中嘅《ReignOverMe》，片中阿當桑廸拿（AdamSandler）飾演嘅男主角全家死於慘劇之中，幸得身邊一班好友幫佢度過人生低潮，參演嘅仲有莉芙泰萊（LivTyler）及珍達娉琪史密夫（JadaPinkettSmith）等人，叫做比較大卡士之作。