今日返工途中，突然想起鴨脷洲玉桂山，於是上網搵吓同道，果然聚集了一大群行山Blog客，亦見多輯絕靚照片，相約登山的還有齊時間地點，似乎有唔少人都懂得享受這短短三小時非常輕鬆的行程，遠眺南丫島、華富邨、海洋公園、舂坎灣，甚至山頂，描述起來都喜形於色。連接的小半島鴨脷排形如鴨舌，站在其上，有人追憶南脊小徑旁的山墳，又有人談起另一無名小山峯，竟出現路牌自稱玉桂山，但地圖上明明是山峯無名，所以齊聲大罵「亂嚟！」。玉桂山上飄揚的彩旗仍在，新鮮嘅空氣、鴨巴甸炮台遺址、船廠、香港仔避風塘，和玉桂山的196米身高都無變過，如果在此建起豪宅，就一定引死許多準買家。我現在就去利東巴士總站上山喇，Mt.Johnston我嚟喇！