一班愛酒藝人包括神話嘅MinWoo、歌手李志勛同MCMong等等，前晚齊齊出席威士忌品牌JohnnieWalker喺首爾江南區嘅派對。靚酒當然要配佳人，大會搵咗性感女歌手蔡妍做表演嘉賓。蔡妍好識做咁以一貫性感小野貓嘅造型出場，身穿超胸裝嘅佢，將外套拉鏈愈拉愈低，酥胸半露，台下一班酒鬼fans梗係即刻用手機影低呢個重要時刻啦！