身材好又識跳舞嘅廖碧兒，噚日喺又一城豐澤為勁舞上身騷哥利跳舞大賽做評判，廖碧兒即場跳勁舞騷實力，佢話今次表演之前並冇搵過老師排舞，只係靠隨身影片播放器睇舞步影片練習，又話近嚟拍劇好忙，只能夠利用拍劇嘅空檔着住古裝嚟練舞喎。最近天氣好熱，拍古裝梗係出晒汗啦，廖碧兒話每日都要換三、四次打底衫，好彩有媽咪煲靚湯滋補吓。