韓星多到數唔晒，年輕一輩嚟講人氣最勁梗係阿Rain啦，至於成熟穩重型，應該最多人選擇投張東健一票！記得由佢主演嘅《颱風》喺戲院上畫時，咁啱撞正大片《金剛》駕到，起初諗住無得鬥，點知喺韓國本土，竟連續3個周末大獲全勝，真係估佢唔到！
早兩日，3區DVD版終於落場，《颱風》故事大概講述兩名主角（張東健及李政宰）不斷角力，鬥個你死我活為止！故事劇本固然幾吸引，但講到最受落，似乎係賣弄靚仔嘅張東健！呢套戲裏面，佢身世可憐，而且性格又Cool，梗冧到班Fans同情啦！最抵死係，佢經常以唔同靚樣示人，玩完快艇型男Look，跟着又有斯文西裝Look，實行軟件兼施，有古仔又有靚仔，又點會錯過呢！
記者：陳國輝
售價：$89
查詢：得利（27870678）